Tuesday, February 1, 2011

ഫെബ്രുവരി ഒന്ന്.. നിന്നെ ഞാൻ വെറുക്കുന്നു.

ഇന്ന്...ഫെബ്രുവരി 1. ഒരിക്കലും ഓര്‍ക്കാതിരിക്കണമേ ഈ ദിവസം എന്നായിരുന്നു പ്രാര്‍ത്ഥന. എല്ലാ വര്‍ഷത്തെയും പോലെ ഇത്തവണയും എനിക്കതിന് കഴിഞ്ഞില്ല. എനിക്കത് കഴിയുകയുമില്ല. ഓര്‍മ്മകള്‍ ഒരു കിനാവള്ളിയായി പ്രാണനെത്തന്നെ ചുറ്റി മുറുക്കുന്നു. സിരകളിലൊരു വൈദ്യുത സ്ഫുലിംഗം പോലെ വിറകൊള്ളുന്ന തപ്‌തസ്മൃതികള്.

സന്തോഷങ്ങളേക്കാള്‍ ഏറെ നഷ്‌ടപ്പെടലിന്റെ വേദനകളായിരുന്നു ജീവിതത്തിന്റെ തുലാസില്‍ എന്നും കൂടുതല്‍.
മറക്കാൻ ശ്രമിച്ചിട്ടുണ്ട് പലതവണ. എങ്കിലും അവനായിരുന്നു ജീവിതത്തിന്റെ ആശ്രയം വർഷങ്ങളോളം.
എന്റെ ശരീരം മാത്രം മതിയായിരുന്നു അവനെങ്കിലും അവൻ തന്ന സാമീപ്യം, കരുതൽ അതാണെന്നെ പിടിച്ചു നിൽക്കാൻ പ്രാപ്തയാക്കിയത്. അവനെ പിരിഞ്ഞ് ഇന്നേയ്ക് എത്ര ദിവസം? അറിയില്ല.
ഫെബ്രുവരി ഒന്ന്.. നിന്നെ ഞാൻ വെറുക്കുന്നു.